2012ko abenduaren 16a, hirugarren igandez baGARA, bizi hitza.

Egunkari maitea,

60 urteko poeta baten hitzaurrea irakurri dut: askatasunaren prezioa bakardadea da, ez baitugu bilatzen beti bakardadea eta hala ere bakarrik aurkitzen gara. Desiratzen dugun bakarra maitatuak izatea da eta bizitzeko sortuak gara. Bitartean atseden hartzeko poema hauek erori zaizkit mara-mara, baina erran nahi lituzkeenak erranak daude ez baita poeta bakarra.

http://gara.naiz.info/paperezkoa/20121216/378178/eu/Bakarrik-sentitzen-garenontzako-bizi-hitza

GARA > Idatzia > Kultura

POESIA
Bakarrik sentitzen garenontzako bizi hitza

elurra galtza motzetan

Ainara MAIA

Poesia-liburu honetan arimaren egoera bat aurkitu dut, eta erran dit poetak beste poetok maite gaituela, maitasunak egiten baitu bihotza eta bihotzak poesia. Poeta maite hau malenkoniaz beterik topatu dut, kopetilun, eta baikor izan nahi lukeela erran dit baina maite duela begietako tristura.

Handia da mundua, eta poesia triste artean poetaren marrazkiak ageri dira, bere barne-munduko irudiak. Gehienok askatasuna eta berdintasuna nahi dugu, baina egunerokotasunak irensten gaitu; mundu handi honetan Coca-Colak agintzen du eta trafikariak dira libre dabiltzan bakarrak.

Ahaztu nahi du poetak, maitatu nahi duelako, ezpata baino hobea delako lorea oparitzen dizkie poetak lagun maiteei krabelinak; niri bitxilore txikiak gustatzen zaizkit, eta atsegin dut maitasunezko olerkiak eta eskutitzak idaztea, bueltan ezer espero gabe, benetako maitasuna ez baita erosten. Ahaztu nahi du poetak, baina iragana hausnartuz, gauzak ulertuz aurrera egiteko.

Bakardadeaz idazten du poetak, bere txokoa bilatuz, bakarrik egon nahi duenean, baina era berean bilatzen du jendea, poetak maite baititu kale jendetsuak. Zaila da maitatzea. Bakarrik dator poeta liburuaren azal urdin honen barnean, baina ez du bakarrik egin bidea, lagunak izan ditu gogoan, bere tristezia goxo horretan ezagutzen du poetak bere mina. Aipatzeagatik, aipatzen du poetak eskizofrenia aipatzerakoan bakarrik gelditu zela bere maitasunarekin. Maite zuen bere gaitza, dena ez baita txarra izan, infernuan ere ez baita dena txarra. Horregatik badaki zer den zoriona poetak.

Pertsonen baloreak non geratzen dira duintasuna galtzen denean? Non galtzen gara? Maite du poetak, baina gorrotatzen du ere bai, eta orduan bihotza itsutzen da, hipokrisiaren aurrean ukabilak estuturik ezin idatzi olerkirik. Erotasunak eraman zuen behin poeta, eta eroaren hitzak ospe txarra du, baina aske da, maite duelako bere burua. Poetak behar ditu besteak, hala ere, eta bero bila irteten da kalera, baina hotzik itzultzen da etxera, jendetzan bakarrik sentitzen delako. Etxean poesiak ematen dio atseden. Hainbeste kantatzen zaiolako maitasun arruntari eta sexuari, goi-maitasuna bilatzen du poetak, eta hagitz sentibera den emakumea bilatzen du, maitasunari emanak bizitzeko. Maitasunari idazten dio poetak gaur, poema hauek guztienak direlako. Erotasunaz eta ez erokeriaz mintzo zaigu poeta, baina ez al gara denok ere pixka bat eroak, desberdinak? Bakoitzak bere zoroa bizi du, eta eroak maite du bakardadea, berak hautatzen duenean.

Poetak erran dit ekaitzak amaitzen direla, eta ezerk betetzen ez nauelarik, neure baitan biltzeko, ni baketu arte, eta esan nahiko nituzke bihotzez barre egiteko poemak, bizitza gogorra delako eta ez delako erraza poeta izatea. Bakardadea nahi ez duenean poetak, gogorra da bakardadea, eta beharrezko zaio poesia, horretarako bakarrik egon behar badu ere eta inork ere ez ulertu. Maitasunak soilik ematen dio zoriona. Poeta batek idatzi egin behar du, gizaki arrunta da, baina bere jarrera ez da arrunta, zigortuta dago poemak idaztera bere txokoan. Elurraren poema zuria idazten digu poetak galtza motzetan, isilik, edertasuna maite duelako. Bere txokoan dago elkarretaratzeko gogo biziz.

Poeta izatea misterio bat dela erraten digu poetak bukaeran, maitatzea bezala. Ez dakigu zer den poesia, baina gertatu egiten da, eta erraten dut nik ere hau poesia dela. Irakurle maiteak, poesia arimaren egoera bat da, baina gutxi batzuek garatzen dugu egoera hori. Poeta maiteok, ez da erraza poeta izatea. Ez daki poetak nola sortu duen, baina hemen dago. Zenbat lan egin behar den liburu bat egiteko!

chansons

ahotsenea

Kaixo!:
Ea denon artean Euskalerria Irratiari laguntzen diogun…

Hola!
Acabo de firmar la petición “Gobierno de Navarra: Que concedan la licencia de emisión a Euskalerria Irratia” y me gustaría que te sumaras a ella.
Nuestro objetivo es conseguir 500 firmas y necesitamos más apoyo. Puedes leer más sobre ella y firmarla aquí:
https://www.change.org/es/peticiones/gobierno-de-navarra-que-concedan-la-licencia-de-emisi%C3%B3n-a-euskalerria-irratia-2?share_id=VosJuPQTRp

xorinokantharia -ri buruz

DENA DA POSIBLE! noranahi noala, bihotz osoz noa... ALL IS POSSIBLE! wherever I go, I go with all my heart...
Post hau Uncategorized atalean publikatu zen. Gogokoetara gehitzeko lotura iraunkorra.

Utzi erantzun bat

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Aldatu )

Twitter picture

You are commenting using your Twitter account. Log Out /  Aldatu )

Facebook photo

You are commenting using your Facebook account. Log Out /  Aldatu )

Connecting to %s