2011ko urriaren 23a, igandea… BEGIETARA BEGIRA ZINTZO JOKATUZ MAITASUNEZKO ESKUTITZ BAT

Trenez noa, leihotik kanpora behelainoa, eta barnera begira ni ene bihotzera, zuri so, niri TXiSTUka zu… harrigarria da, baina oso indartsu zaude nigan taupaka, badirudi nigana nahi duzula, higana nahi dudala… trenez noa eta berriz elkartuko garen eguna dut amets begiak irekirik…
hemen liburu eta idazle artean galdurik, ni ez banaiz ez liburu ez idazle, ni soilik poeta, poetisa edo olerkaria oinak lurrean eta burua hodeietan. Zer egiten dut hemen? maitemindurik eta bakarrik nire lehen eta azken afari erromantiko hura Irunen, oroituz? hiri hartan izan zen kale nagusian, ekialde kutsuko jatetxe hartan ene bihotzeko lagunarekin…

Brno, 2011ko urriaren 23a, igandea

 

Zorionak, Euskal Herria!

Zer moduz zaude?

Ni Txekiar Errepublikan nago laugarren urtez, arrazoi berezirik gabe, euskara eta euskal kultura zabaltzen unibertsitatean, baina arrazoi berezirik gabe, ez bainaiz hona etorri maitasunagatik edo askatasunagatik. Europaren bihotzean segitzen dut bizirik, taupadaka, bihotz minez, maiteminez bakarrik, eta Euskal Herri osoa ene itxaropen ahulezko bihotzean.

Ez dut Euskal Herriko bihotzeko lagunen berri, ez dakit gaixorik edota lanpetuegi dabiltzan euren berri neuri emateko, baina espero dut ongi egotea. Nik hiru urte hauetan erantzunik gabeko eskutitzak eta postalak igorri dizkiet, baita posta elektroniko ugari ere. Espero dut ongi egotea, eta laster elkar ikustea, abenduan.

Espero dut ETAk zabaldu duen itxaropen-izpi honek Euskal Herria pixka bat argitu duen bezala, Espainia, Frantzia, Europa eta mundu osoa argitzea, izan ere mundu honetan gerra gehiegi baitaude zabalik. Neure barneko gerra oraindik ez da eten, eta bizi naizen artean hala izanen dela susmatzen dut.

Espero dut ene bihotzeko lagun poeta oiartzuar lore-kapulua zoriontsu egotea, aita izan delakoz, eta espero dut ene bihotzeko txistu isilak berriro ere “ICH LIEBE AIN edo maite zaitut, ainara” erran diezadala berriro, begiradaren irribarreaz, begietara begira zintzo jokatuz.

Espero dut maite nauzuen eta nauten, maite ditudan guztiok, eta gainerako irakurle eta ez irakurle guztiok ongi egotea, itxaropentsu, maitasunez beterik, elkartasunezko besarkada batean bildu gaitezen.

Espero dut Espainiak eta Frantziak dagokien moduan erantzun diezaiotela piztu berri den itxaropen-izpi honi, oraingoz ez baitute egin eta denok dakigu Sarkozy ere aita izan dela, Giulia neska zoragarriaren aita, zorionak zuri, Nikolas!

Espero dut laster Euskal Herria libre eta independente batean ene txistu isilarekin egotea, maitasunez. Ene familia osoarekin urteberriarengatik topa egitea eta 2012a denontzat ona izatea, 2012an bai! Nahiz eta badakidan mundu honetan orain arte batzuk zoriontsu izateko beste batzuk zoritxarreko izan behar dugula, batzuk aberatsak izateko beste batzuk pobre, denon maitasunaren indarrarekin lortuko dugu mundu hobeago bat, ala? Uste duzu ameslari bat naizela?

Bildu gaitezen, arren, mintza, hitz egin, begietara begira zintzo jokatuz, eta elkarri eskua eman behingoz eta betiko aske izan dadin Euskal Herria eta Euskara. Eta nire bihotz min honetatik, atzerri min honetatik, amodio/desamodiozko bakardade honetatik heldu nazazue eskutik, arren, ainara zauritu hau amildegira eror ez dadin, arren.

AINARA MAYA

UNIHOTEL

GROHOVA 11

CZ-60200 BRNO (MORAVA)

TXEKIAR ERREPUBLIKA

xorinokantharia -ri buruz

DENA DA POSIBLE! noranahi noala, bihotz osoz noa... ALL IS POSSIBLE! wherever I go, I go with all my heart...
Post hau Uncategorized atalean publikatu zen. Gogokoetara gehitzeko lotura iraunkorra.

Utzi erantzun bat

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Aldatu )

Twitter picture

You are commenting using your Twitter account. Log Out /  Aldatu )

Facebook photo

You are commenting using your Facebook account. Log Out /  Aldatu )

Connecting to %s