Gabon,
gaur goizean arraro iratzarri naiz eta triste, malenkoniatsu Oiartzun aldera joan naiz, mendira, txakurrarekin. Ez dut motiborik bizitzeko, baina motibo baten bila segituko dut, aita zenaren agindua bete nahi baitut: IZAN ZORIONTSU!
Ahoko infekzioarekin egon naiz minez eta datorren astean ez naiz Euskal Herrian egongo. Ez dut gogorik ezertarako, etsiturik nago, eta…
…bihar beste egun bat izango da!
KONTUZ ILBETEAREKIN
Hamaika emakumeren gorputzetan egon zara
baita hamaika emakumeren gorputz-arimaren babesean ere
eta nik zu izan zaitut bat eta bakar
zu ene gorputz-arima
eta zoriontsu naiz
zure maitasun inkondizionala dudalako
edozer gerta ere.
Hamaika emakumeren bihotz zokoak arakatu dituzu
samur eta leun
eta nik zure irribarre zintzo hori ezagutu nizun
maitasuna egin genuenean behin
eta zuk nire begirada polit hau aurkitu
konfiantza eskainiz elkarri.
Hamaika emakumeren gorputz-arima-bihotzak aurkitu zenituen altxor baten gisa nire aurretik
eta ondoren ni, begirada polita duen neska sentibera eta lotsatia, benetako maitasunari leial.
Hamaika emakume fisikoki erakarri zintuzten:
ile hori, begi urdin
eta ainararen luma maitatu instant batez betiko
bihotzeko urdin, gris eta beltzak bizituz
bizitzako zorion eta zoritxar uneak grinaz sentituz.
Hamaika emakumeren fisiko ikaragarria
eta emakume honen maitasun leiala,
umilki
maitasuna maitasuna baino handiagoa delako
maitasuna bikote-harreman fisikoki bat baino zabalagoa delako
idazten ditut hitz hauek
lotsati.
MAITE ZAITUT.
YouTube – Nire poesia (Rogelio Botanz)
Gabriel Arestiren poesia. Rogelio Botanz Kanariarrak abesten du Ruper Ordorika eta Tapiarekin batera. Inkunablea
maya's space 