Kaixo, zer moduz?
aspaldian ez dut inoren berririk, lagunen berririk, eta nire eskutitz eta emailek ez dute erantzunik, beharbada hori da erantzuna, erantzunik eza…?
To ene olerkia, UDAZKEN ON!
eta ikusi arte, ene bihotz…
UDAZKEN ON
Ainara Maia Urroz
Neguko itxaropen zuriek
udaberriko amets berdeak sortzen dituzte
udan pasioloreak ernal daitezen
eta udaren azken egunetako zure begirada nabarrak
ni maitemintzeko, grinaz beterik.
Udazkena atsegin dut
baina ikaratzen ere bai,
beharbada udaberriko amets haiek
kearen antzera desagertuko baitira.
Izan ere, udazkenean gertatu zaizkit zoritxarrak, aita!
Baina, bestalde
gauzarik politenak eta ederrenak ere
udazkenean gertatu zaizkit,
maitemindu,
benetako maitasuna sentitu.
Liliak hostoz hosto biluzteko modukoa
eta ni
orriz orri zure aurrean agertzeko modukoa.
Zoriontsu izan gaitezen
opa dizut
maite zaitut…
maya's space 