2009ko ekainaren 19a, ostirala… UDA ON!

 http://www.diariovasco.com/20090605/opinion/cartas-director/brno-udaberria-20090605.html
 CARTAS AL DIRECTOR
05.06.09 –
Pragako udazken udaberritu hura pasa zen. Brno hirira itzuli nintzen, Milan Kunderaren sorterrira.
Uda berri baten atarian, Brno udaren iragarle fina da: Milan Kunderari buruzko hitzaldiak izan ziren pasa den astean.
Eta bitartean Europako hauteskunde-kanpaina. Txekiar Errepublikan Alderdi Poetiko bat aurkeztu dute zenbait poetek eta intelektualek.
Moraviako Brno hiriko haize epelak Milan Kunderaren hitzaldien hitz batzuk ekarri dizkit. Zein da poesiaren zeregina? Poesiak ez gaitu ekaineko eguzki zuriaren gisa itsutu behar, baina bai izaeraren une bat ahaztezin bilakatu eta nostalgia jasanezin egin.
Eta 1968ko Pragako maiatza gogoan, ekainean nago uda berri baten ataritan; Euskal Herrian alderdi poetiko bati eman nahi diot bozka. Niretzat, ez dago bizitzarik poesiarik gabe, sentitu gabe. Poesia ez dago inongo arrazoiaren botere-gosearen menpe eta libreki elkartzen da nahi dutenekin.
Udaren hasierako berri freskoak dira hauek: ainara baten antzera hegan, bere habiatik kanpora. Hegoalderantz doa, udazkeneko iparraldea gibelean utzirik eta etorri den ainara honen hegaldiaren berria zuenganantz doakizue. Badirudi ainara bakar batek uda badakarrela, eta maiatza ekainean goxo sartu den bezala, neure maitearekin ametsetan hasi naiz…

UDA

BERRIA

 

Ainara Maia Urroz

2009.06.12

(guztiarekin ere,
bakoitzak bere ainararen udaberria ezagutzen du)

Erabaki dut

guretzat,

poeton uda berria
orain dela.

Luzaroan hausnartzen egon naiz

erabaki hori hartu
aitzin.

Eman dezagun

Uda berria eta poetok
ez gatozela bat.

Beraz, dekretu bidez
erabaki dezakegu ere bai

gaur ferratzaileen negua
dela

eta beharbada

arrakasta handiagoa
izango nuke.

Gertatzen dena da

uda berria ez dela
meteorologia fenomeno bat soilik,

ez eta data bat ere,

eta poeta bakoitzak
badaki

argi eta garbi,

eta gainera gai da

uda berriarekin
adostuz

uda betean elurra
eginarazteko

hori bada benetan
tokatzen dena.

« Uda berri bat dator!

Zatoz bada

baso ederretan paseatzera

oiloak kakaraka dabiltza euren baratzean!

Zatoz bada

zeruko goiztirian zimur
arrosak marraztera

maitasuna zu konkistatzera baitatorkizu bidera. »


xorinokantharia -ri buruz

DENA DA POSIBLE! noranahi noala, bihotz osoz noa... ALL IS POSSIBLE! wherever I go, I go with all my heart...
Post hau Uncategorized atalean publikatu zen. Gogokoetara gehitzeko lotura iraunkorra.

Utzi erantzun bat

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Aldatu )

Twitter picture

You are commenting using your Twitter account. Log Out /  Aldatu )

Facebook photo

You are commenting using your Facebook account. Log Out /  Aldatu )

Connecting to %s