2009ko martxoaren 25a, asteazkena… gaur ahul nago, ez dut indarrik, nahiz eta eguzkiak irribarre egin

Kaixo, zer moduz? ni ahul nago eta ez nabil oso kementsu, erdi gaixo nago, eztarriko minez… eta ahul nagoenean txorakeria asko idazten ditut, nahi baduzu ez segi hau irakurtzen… emakume zauritu eta kontraesankor baten hitzak ezin ulertu ahal dira, ala? baina iazko udako bihotzeko zauri ireki honetatik odolusten ari naiz pixkanaka, indarrak hatsetik joaten ari zaizkit… baina nori inporta zaizkio neure sentimenduak? neure sentimenduekin jolastu zuen (lagunek animatzen naute, udaberria iragarriz, baina…) eta nik oraindik ere asko maite dut, zergatik? kapullo!! baina kapulutik atera den ximeleta naiz, eta maite dut amodioz preso izan nauen hori… kapullo! orain konpreni dezaket pixka bat gizonak jotzen duen emaztearen egoera kontraesankorra.

Hemen idazteak pixka bat lasaitzen nau… erraz mintzen naizen horietakoa nauzu eta era berean erraz maitemintzen den horietakoa, baina erraz maitemindurik ere, harekiko sentimendu hori sakon sartzen zait. Bertzeak bezalakoa ez naizela sentitzen naiz, beti sentitu izan naiz (txikitatik) bertze mundu batekoa, berezia… beharbada asko pentsatzen dut, gehiegi, amestu ere gehiegi, eta EGIN beharko nuke gehiago, baina zer egin? ez dakit zer egin! miresten ditut gauzak edo ideiak argi dituzten horiek, baina egia esan horiek ere ez dakit zenbateraino dituzten gauzak argi….zuk gauzak argi dituzu?

Oso aste iluna daukat, beharbada bihar ilberri delako, eta ilberriko gauak oso ilunak dira. Beharbada biharko gau iluna baliatuko dut desagertzeko, besteen bistatik desagertzeko… ez dakit. Bizitza gozatzeko dago bai, baina aitak zoriontsu izateko agindu zidanetik, ez dakit zer egin… baina batzuetan gustatuko litzaidake ordu batzuetarako bederen IKUSEZIN bihurtzeko ahalmena izanen banu… agian ilberriko gauean?

NEGUAN ELURRAK BIDEAK ESTALI BAITZITUEN BERRIKI ETA ORAIN ELURRA BAT-BATEAN DESAGERTURIK, BIDEAK EZ DITUT EZAGUTZEN… ZER EGIN? baina orain… bide guztiak irekirik, DENA DA POSIBLE, ALA? ESPERANTZA BIHOTZARENTZAT, MAITE…ene maitea, ongi ibili, eta elkar topatzean (topatzen badugu!) kontatuko…

xorinokantharia -ri buruz

DENA DA POSIBLE! noranahi noala, bihotz osoz noa... ALL IS POSSIBLE! wherever I go, I go with all my heart...
Post hau Entertainment atalean publikatu zen. Gogokoetara gehitzeko lotura iraunkorra.

Utzi erantzun bat

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Aldatu )

Twitter picture

You are commenting using your Twitter account. Log Out /  Aldatu )

Facebook photo

You are commenting using your Facebook account. Log Out /  Aldatu )

Connecting to %s